Madrilgo Hezkuntza eta Lanbide Heziketako Ministerioak Bultzatuak

#FP21. Industria 4.0 ireki baterako erronketan oinarritutako ikaskuntza

PROIEKTUAN PARTEHARTZAILEAK

PROIEKTUAREN LABURPENA

Proiektu hau garatzeak ahalbidetuko du parte hartzen duten ikastetxeen artean 4.0 industriari lotutako konpetentzia profesionalak transferitzea, metodologia aktibo eta lankidetzakoen bidez. Metodologia horiek lanbide-modulu arteko eta sail arteko erronketan eta proiektuetan oinarritutako ikaskuntza sustatuko dute, eta, aldi berean, zeharkako konpetentziak eta konpetentzia sozialak garatu ahal izango dituzte.

Proiektuaren garapenaren lehen zatian, parte hartzen duten ikastetxeei heziketa-zikloetarako diseinatutako errendimendu handiko esparru metodologikoa, ETHAZI izenekoa, transferituko zaie. Ondoren, ikasleekin, open izaerako 4.0 industria gaitzeko teknologietan zentratutako proiektuak garatuko dira, hala nola: zirkuitu inprimatuen plaken 3D inprimaketa, robot sistema eragilearen (ROS) bidezko robot kolaboratibo industrialen kontrola eta IoT edo elkarlaneko robotikaren balizko aplikazioetarako FPGA libreen programazioa.

Ikasleek garatutako proiektuetan GJHak garatzeko ekintzak aplikatzea sustatuko da (kalitatezko hezkuntza, genero-berdintasuna, lan txukuna), NBEren 2030 agendaren arabera.

Era berean, proiektuan parte hartzen duten ikasleen espiritu ekintzailea sustatu nahi da, enpresa-planak garatzeko, eta ikastetxeek haiek laguntzeko moduko enpresa-bideari ekiteko.

4.0 proiektuak garatuta daudenean, proiektuko ekintzak gauzatzeko epearen barruan, ikastetxeek STEAM jardunaldiak antolatuko dituzte, DBHko, Batxilergoko eta emakume-elkarteetako ikasleei eraikitakoa erakusteko eta irakasteko eta LH gizarteari hurbiltzeko.

Informazio gehiago behar baduzu, jar zaitez gurekin harremanetan

berrikuntza@donbosco.eus