LAN-GAITASUNEN EGIAZTAPENA

2021eko abenduaren 10an, Euskal Herriko Agintaritzaren Aldizkarian argitaratu da 2021-2022 aldirako lan-gaitasunak ebaluatzeko eta egiaztatzeko prozeduraren deialdia.

NORENTZAT DA?

Lan-eremu jakin batean lan-esperientzia edota prestakuntza ez-formala duten eta ofizialki egiaztatu nahi duten pertsonentzat pentsatua. Helburua  gaitasun-unitateak,  profesionaltasun-ziurtagiriak lortzea edo Lanbide Heziketako tituluak lortzeko aukera izatea da.

ZEIN BALDINTZA BETE BEHAR DIRA PARTE HARTZEKO?

– 18 urte izatea (I mailakoa) edota 20 urte (II eta III mailakoak)

–  Espainiako nazionalitatea izatea, Europar Batasuneko hiritarra izatea edo bizileku-baimena edukitzea

– Euskadin erroldatuta egotea. Baita ere Euskadin egoitza soziala edo lan zentruren bat duen  enpresa batean lan egitea

– Egiaztatu beharreko gaitasunekin lotutako aurretiko lan-esperientzia edota prestakuntza ez-formala egiaztatzea

O Azken 15 urteetan gutxienez 3 urteko lan-esperientzia izatea (gutxienez 2.000 ordu) II eta III mailetarako. 2 urteko gutxienezko lan-esperientzia (gutxienez 1.200 ordu) I. mailan.

O Prestakuntza ez-formala: II eta II mailetarako, gutxienez 300 ordu azken 10 urteetan. I mailan, gutxienez 200 ordu.

DEIALDI HONEK ZEIN BERRIKUNTZA DAKARTZA?

• Deialdi irekia da. 2021eko abenduaren 10an ireki eta 2022ko abenduaren 31ra arte egongo da zabalik, eta edozein unetan eman ahal izango da izena epe horren barruan.
• Lanbide Heziketako espezialitate guztietarako prozedura ireki da (erdi-mailako/goi-mailako tituluak eta profesionaltasun-ziurtagiriak).
• Ez dago tasarik, hau da, fase guztiak (izen-ematea, aholkularitza eta ebaluazioa) doakoak dira.
• Ohiko dokumentazioaz gain, lanbide- eta prestakuntza-historia aurkeztu behar da onarpenaren aurretik.

ZER EGIN BEHAR DA IZENA EMATEKO?

Izen-ematea Euskadiko Lanbide Heziketako edozein ikastetxetan egin daiteke (97 ikastetxe guztira). Don Boscon, idazkaritzako jendaurreko ordutegia hau da:

Astelehenetik ostegunera (9:00 – 13:00 eta 16:00 – 19:00). Ostirala (9:00 – 12:30)

Telefonoa:  943 510 450

ZER DOKUMENTAZIO AURKEZTU BEHAR DA?

– Aurrez izena emateko eskaera: idazkaritzan bertan edo IVAC-EEIren orrialdetik deskargatuta.

– NANaren, AIZren,  bizileku-baimenaren edo pasaportearen fotokopia

– Lanbide eta prestakuntza historia, IVAC-EEIren orrialdetik deskarga daitekeena.

– Lan-esperientzia egiaztatzea, honako hauen bidez:

O Lan-bizitza (eguneratua).

O Enpresa-ziurtagiria

O Langilearen beraren zinpeko aitorpena (enpresaren ziurtagiria lortzerik ez badago)

O Norberaren konturako langileen ziurtagiria (langileak berak betetzen du)

Ziurtagiri eta zinpeko aitorpenen ereduak IVAC-EEIren orritik deskarga daitezke (Beherago)

– Prestakuntza ez-formala egiaztatzea,, egindako ikastaroen ziurtagiriekin (gutxienez 10 ordu/ikastaro bakoitza.